Avropaya göndərilən neftin 20 faizi Asiya bazarlarına yönəldilir- ÖZƏL

Olaylar.az xəbər verir ki, Rusiya baş nazirinin müavini Aleksandr Novak Rusiyanın Avropaya göndərdiyi neftin 20 faizinin Çin və Hindistan kimi Asiya bazarlarına yönəldiyini açıqlayıb. Moskvada keçirilən "İnformasiya" forumunda enerji bazarlarında baş verən hadisələri qiymətləndirən Rusiya Baş nazirinin müavini Aleksandr Novak Neft İxrac Edən Ölkələr Təşkilatı (OPEC) ilə bəzi qeyri-OPEC istehsalçılarından ibarət OPEC+ qrupu arasında əməkdaşlığın olduğunu izah edib. Novak qeyd edib ki,"OPEC+ sazişinin müddəti 2023-cü ilin sonunda başa çatır. Amma bizim bir neçə il əvvəl imzaladığımız müqavilə var. Əgər hərəkətlərimizi əlaqələndirməyə ehtiyac yoxdursa, biz sadəcə olaraq görüşəcəyik, dünya bazarlarındakı vəziyyəti müzakirə edəcəyik və birgə layihələrlə bağlı məsləhətləşəcəyik". OPEC+ qrupunun həm istehsalçıların, həm də istehlakçıların maraqlarını nəzərə aldığını vurğulayan Aleksandr Novak, "Biz qiymətlərin tənzimlənməsindən danışmırıq. İxracatçı ilə istehlakçı arasında maraqlar balansının olması lazım olduğunu bildirmək son dərəcə vacibdir" deyib.