Aİ-yə üzv 17 ölkə Türkiyəyə axtarış-xilasetmə qrupları göndərir
Avropa İttifaqı (Aİ) Komissiyasının böhranların idarə edilməsi, mülki müdafiə və humanitar yardımdan məsul üzvü Janez Lenarcic Avropa İttifaqına üzv 17 ölkənin Türkiyəyə axtarış-xilasetmə qrupları göndərdiyini bildirib.
Olaylar.az sfera-ya istinadən bildirir ki, Kahramanmaraşdakı zəlzələlərlə bağlı CNN International-a müsahibə verən Lenarçiç, AB Mülki Müdafiə Mexanizmi çərçivəsində Türkiyəyə axtarış-xilasetmə qrupları göndərən AB ölkələrinin sayının 17-yə yüksəldiyini bildirib. Əvvəllər bu rəqəm 13 olaraq açıqlanırdı.
Lenarçiç öz Twitter hesabında Rumıniya, Macarıstan və Bolqarıstandan ilk komandaların Türkiyəyə gəldiyini də açıqlayıb.
Suriyadakı humanitar yardım tərəfdaşları ilə yaxından işlədiklərini bildirən Lenarçiç, hazırda xilasetmə əməliyyatlarına başladıqlarını qeyd edib.