İskəndərun limanındakı yanğın söndürüldü

Türkiyədə dünən baş verən zəlzələdən sonra İskəndərun limanında başlayab yanğın söndürülüb.

Olaylar.az bildirir ki, trend bu barədə Türkiyə KİV-nə istinadən məlumat verir.

Bildirib ki, quru Qoşunlarına aid helikopterlər və Hərbi Hava Qüvvələrinə aid təyyarələrin havadan müdaxiləsi ilə yanğın söndürülüb.

Qeyd edək ki, mərkəzləri Kahramanmaraşda olan və 10 vilayətdə baş verən zəlzələlər zamanı naməlum səbəbdən İskəndərun limanında konteynerlərdəki ötən gün gecədən başlayan yanğın gün boyu davam edib.

Xatırladaq ki, ötən gün Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.