Türkiyədə zəlzələ nəticəsində ölənlərin sayı 2 379-a çatdı

Türkiyədə zəlzələ nəticəsində ölənlərin sayı 2379 nəfərə, xəsarət alanların sayı isə 14483 nəfərə çatıb. Dağıntılar altından 7840 nəfər çıxarılıb.

Olaylar.az trend-ə istinadən bildirir ki, bu barədə Türkiyənin vitse-prezidenti Fuat Oktay deyib.

Xatırladaq ki, bu gün Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.