Aİ-nin 10-cu sanksiyalar paketinə iqtisadi məhdudiyyətlər daxil olmayacaq- ÖZƏL
Olaylar.az xəbər verir ki, Avropa İttifaqının Rusiyaya qarşı sanksiyalarının onuncu paketində yeni iqtisadi tədbirlər olmayacaq, yeni məhdudiyyətlər əvvəlki sanksiyalar paketlərindəki problemləri tamamlayacaq. Bu barədə "Politico" avropalı diplomatlara istinadən xəbər verir. Onların fikrincə, 10-cu anti-Rusiya sanksiyalar paketi "real", tam hüquqlu paket olmayacaq, çünki yeni sənədə daxil edilə biləcək çoxlu məhdudiyyətlər qalmayıb. Bundan əvvəl Avropa İttifaqı Şurasının rəhbəri Çarlz Mişel Kiyevdə keçirilən Aİ-Ukrayna sammitinin yekunları ilə bağlı bildirmişdi ki, Avropa İttifaqı Rusiyaya qarşı yeni sanksiyalar, o cümlədən onuncu paket üzərində işləməyə davam edəcək.
Öz növbəsində, Avropa Komissiyasının rəhbəri Ursula fon der Leyen Kiyevdə keçirilən sammitin yekunlarına görə, Rusiya Federasiyasına qarşı onuncu anti-Rusiya sanksiyalar paketinin 10 milyard avroluq məhdudiyyətləri nəzərdə tutduğunu bildirib.