14 yaşlı idmançı öldürüldü

Türkmənistanda 14 yaşlı döyüşçü Süleyman Tursunbayev  küçədə döyülərək öldürülüb.

Olaylar.az xəbər verir ki, gənc idmançının öldürülməsi ilə  bağlı Türkmənistan hökumətindən rəsmi məlumat verilməyib.  Məktəbdən verilən açıqlmaya görə, o, dişini çəkdindən sonra qanaxma nəticəsində vəfat edib. Lakin sosial şəbəkələrdə yayılan videoda Süleymanın damarının partladığı görünür.

Açıqlamada pandemiya səbəbindən bütün  idman təlimlərinin ləğv olunduğu bildirilib. İddialar arasında gənc döyüşçünün və  müəlliminin döyülməsi də var.

TurkmenNews-un yayımladığı xəbərə görə, Süleyman Tursunbayevin qatıldığı turnirdə finala yüksəlməsi təşkilatçıların qəzəbinə tuş gəlib. Süleymanın matçı uduzmasını istəsələrdə o, buna razı olmayıb. Bu səbəbdən 14 yaşlı idmançı küçədə  bir neçə nəfər tərəfindən döyülərək öldürülüb.

Uşağı tapan gözətçi onu təcili yardım maşını ilə Aşqabaddakı xəstəxanaya çatdırsa da,  gənc idmançı xəstəxanaya qəbul edilməyib. 500 kilometr uzaqlıqdakı başqa bir xəstəxanaya aparılan Süleymanın  həyatını xilas etmək mümkün olmayıb.