Sorosun İrəvanla bağlı çağırışı gərginlik yaratdı

Davosda Corc Sorosla Ermənistan Baş naziri Nikol Paşinyan arasında görüş baş tutmayıb.

Bu barədə "Aysor.am"ın sorğusuna cavab olaraq Ermənistan Nazirlər Kabinetindən bildirilib.

Sorosun Ermənistana səfəri ilə bağlı heç bir razılaşmanın olmadığı da deyilib.

Qeyd edək ki, bundan öncə Soros öz Tvitter səhifəsində Ermənistanla bağlı mesaj paylaşmış və ölkədə vətəndaş cəmiyyətinin dəstəklənməsini istəmişdi. Sorosun bu addımı Paşinyan hökumətinə müxalif olanların kəskin tənqidinə səbəb olmuşdu.

axar.az