Yaponiyanın İkinci Dünya müharibəsi zamanı batırılan gəmisi tapılıb

ABŞ tədqiqat qrupu tərəfindən Salamon adaları yaxınlığında, təqribən 1000 metr dərinlikdə Yaponiyanın İmperator donanmasına məxsus "Hiey" xətt gəmisi aşkar edilib. Gəmi 1942-ci ildə Sakit okeanın cənubunda Quadalkanal uğrunda döyüşlər zamanı batırılıb.

Fevralın 6-da NHK telekanalı tədqiqatçılar tərəfindən gəminin tapıldığı ərazidə xüsusi avadanlıq vasitəsilə aparılan videoçəkilişləri nümayiş etdirib.

Videoyazıda gəminin yanı üstə düşdüyü, nəhəng vintləri və zenit toplarının lülələri aydın görünür.

"Hiey" linkoru 1914-cü ildə inşa edilib. Müasirləşdirmə məqsədilə aparılan dəyişikliklərdən sonra bu gəmi Pörl-Harbor uğrunda döyüşlərdə iştirak edib.

AZƏRTAC