Yaponiya Kuril adalarını qaytara bilməyəcək - Lujkov

"Yaponiya anlayır ki, şura sayəsində bu 4 adanı qaytarmağa müvəffəq olmayacaq".

"Yaponiya "müdrik adamlar şurası" sayəsində Kuril adalarını qaytara bilməyəcək və bunu da özləri yaxşı bilir".

Bu sözləri Moskvanın keçmiş meri Yuri Lujkov deyib.

Lujkov bu qənaətə 2000-ci ildə rus-yapon "müdrik adamlar şurası"nın fəaliyyətindən danışarkən gəlib. Bu şuraya Rusiya tərəfindən elə Lujkov rəhbərlik edib.

"Yaponiya anlayır ki, şura sayəsində bu 4 adanı qaytarmağa müvəffəq olmayacaq. Bu səbəbdən də rəsmi Tokio şuranı tərk etdi" , - Lujkov əlavə edib.

O vurğulayıb ki, şurada işləməyə yalnız bu adaların Yaponiyaya keçməyəcəyi təqdirdə razılaşıb və buna dair prezident Putindən təsdiq alıb.

AzNews.az