Ermənilər rus bazasına qarşı aksiya elan etdi

Ermənistanın Gümrü şəhərində yerləşən Rusiyanın 102-ci bazasının qarşısında etiraz aksiyası keçiriləcək.

Bu sözləri öz Feysbuk səhifəsində Ermənistanın Avropa Partiyasının həmsədri Tiqran Xzmalyan paylaşıb. Onun sözlərinə görə, etiraz aksiyası 12 yanvarda baş tutacaq. Aksiyanın Avetisyanlar ailəsinin ölümünün 4-cü ili və Culyet Qukasyanın ölümünün 40-cı günüylə əlaqədar keçiriləcəyi vurğulanıb.

Qeyd edək ki, keçən ilin sonundan etibarən Ermənistanda rus bazasına qarşı aktiv etiraz aksiyaları təşkil edilməyə başlanıb.

axar.az