Liviya sahillərində 100-dən çox miqrant xilas edilib

Liviyanın sahil mühafizə xidməti Avropaya yol alan 113 miqrantı xilas edib.

Liviyanın sahil mühafizə xidməti Avropaya yol alan 113 miqrantı xilas edib.

Miqrantlar Liviyanın paytaxtı Tripolinin qərbində yerləşən Sabrata şəhərinin yaxınlığında xilas ediliblər. Onlar arasında 17 qadın və 4 uşaq da var.

Aralıq dənizini keçərək Avropaya getmək istəyən miqrantlara zəruri tibbi yardım göstərilib.

Hazırda onlar Liviyanın Əz-Zaviya şəhərindəki müvəqqəti yerləşdirmə mərkəzindədirlər.

"Report"