Kaliforniyanın şimalında yanğınlar nəticəsində ölənlərin sayı 83-ə çatıb

ABŞ-ın Kaliforniya ştatının şimalında baş verən yanğınlar nəticəsində ölənlərin sayı 83-ə çatıb.

Trend-in məlumatına görə, bunu mətbuat kofransı zamanı Byut dairəsinin şerifi Kori Honi bildirib. Onun sözlərinə görə, 653 nəfər itkin düşmüş hesab olunur. Ümumilikdə, ştat üzrə ölənlərin sayı ən azı 86-dır.

Qeyd edək ki, Kaliforniyada bir neçə güclü yanğın baş verir. Ştat tarixində ən dağıdıcı yanğın Kaliforniyanın şimalında baş verən "Camp" meşə yanğınıdır.