Türkiyənin Rusiyadakı səfirinin səlahiyyət müddəti başa çatır

Türkiyənin Rusiyadakı səfiri Hüseyn Diriöz yaxın iki ay ərzində vətənə qayıdacaq.

Bu barədə səfir özü jurnalistlərə bildirib.

H.Diriöz bunu diplomatik səlahiyyətinin başa çatması ilə əlaqələdirib: "Türkiyəyə qayıtdıqdan sonra hansı vəzifədə çalışacağım hələlik bəlli deyil, amma Moskva ilə işləməyə davam edəcəyimizə əminəm".

Qeyd edək ki, H.Diriöz 2016-cı ildən Türkiyənin Rusiyadakı fövqəladə və səlahiyyətli səfiri vəzifəsində çalışır. Daha əvvəl bildirildiyi kimi, onun yerinə keçmiş Ukraynadakı səfir olan XİN-nin Konsulluq xidmətinin başçısı Mehmet Samsar təyin olunub.

"Report"