"Spice Girls" qrupu silsilə konsertlər verməyi planlaşdırır

İngiltərənin "Spice Girls" pop qrupu birləşdiyini və konsert fəaliyyətini bərpa etdiyini elan edib.

Qrup bu barədə elanı bazar günü öz "Twitter" səhifəsində paylaşıb.

"Biz tura çıxırıq! "Spice"nin [Girls] dünya turnesini xəbər verməkdən son dərəcə şadıq. Qrupun konsertlərinə biletlər bu şənbə [10 noyabr] yerli vaxtla 10:30-da satışa çıxarılacaq", - deyə məlumatda bildirilir.

Qeyd olunur ki, turun startı 1 iyun 2019-cu ilə planlaşdırılıb. Qrup London, Mançester, Koventri, Sanderlend, Bristol kimi şəhərlərdə, həmçinin Şotlandiyanın paytaxtı Edinburqda konsertlər verməyi planlaşdırır.

"Report"