Yapon tədqiqatçılar qrupu avtomobili interaktiv idarəetmə sistemini təqdim edib
Yapon tədqiqatçılar qrupu tərəfindən avtomobili səs və jestlər vasitəsilə idarə etməyə imkan verən interaktiv idarəetmə sistemi təqdim edilib.
Yaponiyanın mərkəzi hissəsində yerləşən Naqoya Universitetində çalışan tədqiqatçılar qrupu dünyada ilk dəfə yaradılan yeni sistem barədə məlumat yayıb. Həmin qrupa avtomobilin ötürmə qutusunun istehsalçıları daxildir.
Yeni sistemə avtomobildə yerləşdirilən, səs, jest və gözlərin hərəkəti ilə verilən komandaları qəbul edən sensor daxildir. Sensor qəbul etdiyi komandanı avtomobilin nəzarət sisteminə ötürür. Beləliklə, avtomobili hərəkətə gətirmək və ya onu saxlamaq, eyni zamanda, sürəti artırıb-azaltmaq mümkündür.
Əgər sistem hərəkətin istiqamətini düz seçməyibsə, bu zaman sürücü başının hərəkəti ilə onun düzgün seçim etmədiyini bildirərək düzgün variantı söyləyə bilər.
Azərtac