Ermənistanda Robert Koçaryanla yaxınlığı olan telekanalın sahibi saxlanılıb

Ermənistanda "H2" telekanalının sahibi olan tanınmış iş adamı Samvel Mayrapetyan saxlanılıb.

Bu barədə Ermənistanın Xüsusi İstintaq Xidmətinin mətbuat mərkəzindən məlumat verilib.

Qeyd olunur ki, S.Mayrapetyan Ermənistanın keçmiş prezident Robert Koçaryana yaxın insan kimi tanınır.

Xatırladaq ki, daha əvvəl Ermənistanın keçmiş prezidentindən 2008-ci il martın 1-də keçirilmiş etiraz aksiyalarının dağıdılması ilə bağlı cinayət işi üzrə ittihamlarla əlaqədar ölkəni tərk etməyəcəyinə dair imzalı sənəd alındığı bildirilib.

report