NATO-dan sərt açıqlama: "Rusiya bunu dayandırmalıdır!"

Rusiya məsuliyyətsiz davranışları dayandırmalıdır.

Bu sözləri NATO rəhbəri Yens Stoltenberq rusiyalı kəşfiyyatçıların KSQT-yə qarşı kiberhücumlarla bağlı açıqlamasında deyib.

"NATO Hollandiya və İngiltərə ilə həmrəydir. Rusiya məsuliyyətsiz davranışlara son verməlidir", - deyə Stoltenberq vurğulayıb.

O bildirib ki, bu kimi hücumların qarşısının alınması üçün təhlükəsizlik tədbirləri gücləndiriləcək.

Qeyd edək ki, Hollandiya tərəfi rusiyalı kəşfiyyatçıların Kimyəvi Silahların Qadağan edilməsi Təşkilatının (KSQT) sisteminə kiberhücum təşkil etdiklərini açıqlamışdı.

axar.az