Süni intellekt xəstələrin müalicəsinin nəticələrini proqnozlaşdıracaq

Massaçusets Texnologiya İnstitutunun kompüter elmləri və süni intellekt laboratoriyası kompüter təlimi texnologiyalarının tibdə tətbiqi - intensiv terapiya bölmələrində xəstələrin müalicə metodlarının müəyyənləşdirilməsi üçün yeni üsullar hazırlayıb.   

Massaçusets Texnologiya İnstitutunun kompüter elmləri və süni intellekt laboratoriyası kompüter təlimi texnologiyalarının tibdə tətbiqi - intensiv terapiya bölmələrində xəstələrin müalicə metodlarının müəyyənləşdirilməsi üçün yeni üsullar hazırlayıb.  Xəstənin vəziyyəti barədə məlumatları öyrənən "ICU Intervene" adlı sistem yaxın gələcəkdə vacib prosedurların (süni nəfəs, qan təzyiqinin saxlanılması, intensiv terapiya və s.) tətbiqinin zəruriliyini proqnozlaşdırır. Sistemin təlimləri institutda yaradılan və intensiv terapiya bölmələrinin 40 minə yaxın xəstəsinin anonim xəstəlik tarixçəsinin daxil olduğu "MIMIC" bazasında aparılıb.

Bildirilir ki, "EHR Model Transfer" sistemi isə öyrədilən süni intellekt sistemindən elektron tibb kartlarında məlumatların yazılması üsullarının dəyişdirilməsində istifadə kimi digər vacib vəzifəni  həll edir. Xəstəxanalarda elektron kartların aparılması üzrə müxtəlif vasitələrdən istifadə olunur ki, bu da məlumatların analizi üçün çətinliklər törədir. Təbii dilin emalı metodları ilə kartları analiz edən "EHR Model Transfer" onlarda ümumi tibbi anlayışların (nəbz və s.) necə göstərilməsini müəyyənləşdirir. "ICTnews" Elektron Xəbər Xidməti "Computerworld" resursuna istinadən xəbər verir.