Rusiya XİN: Moskva terrorla mübarizə məsələsində Türkiyə ilə dialoqu inkişaf etdirəcək
Rusiya terrorla mübarizə məsələsində Türkiyə ilə dialoqu bərpa edib inkişaf etdirəcək.
2 Sentyabr 2016 11:30 DünyaRusiya terrorla mübarizə məsələsində Türkiyə ilə dialoqu bərpa edib inkişaf etdirəcək.
RİA "Novosti" xəbər verir ki, bu barədə RusiyaXarici İşlər Nazirliyinin yeni çağırışlar və təhlükələr departamentinin rəhbəri İlya Roqaçev bildirib.
"Siyasi qərarlar qəbul edilib. Biz də əlbəttə ki, əvvəlcə terrorla mübarizə məsələsində Türkiyə ilə dialoqu bərpa edəcək, sonra isə inkişaf etdirib, dərinləşdirəcəyik. Bu məsələdə onlara çoxlu sualımız olduğundan dialoq da çox vacibdir", - deyə rusiyalı diplomat bildirib.
Onun sözlərinə görə, bu səbəbdən də hətta lazım gələrsə, diplomatik kanallar vasitəsilə danışmaq, dialoq aparmaq zəruridir.
"Yaxın gələcəkdə dialoqun bərpa ediləcəyinə dair müəyyən gözləntilərimiz var. Ən qısa zamanda bu dialoqu bərpa etməyə çalışacağıq. Ümidvarıq ki, Türkiyə tərəfi də bu məsələyə müvafiq qaydada yanaşacaq", - deyə İ.Roqaçev vurğulayıb.