Rza Zərrabın məhkəməsi 10 dəqiqə davam etdi...
21 İyun 2016 15:42 DünyaDünən müğənni Ebru Gündeşin həyat yoldaşı, iş adamı Rza Zərrabın məhkəməsi baş tutub.
Türkiyə mətbuatı məlumatına görə, Nyu-Yorkda baş tutan məhkəmə 10 dəqiqə davam edib. İyulun 6-na təxirə salınan prosesdə əsas söz müdafiə tərəfə veriləcək.
7 ay sonra, 2017-ci il yanvarın 23-də isə münsiflər heyətinin də olduğu proses baş tutacaq. Həmin vaxta qədər Zərrab baş prokurorluqla razılığa gəlməzsə, fevralda onun haqqında son qərar veriləcək.
Qeyd edək ki, martın 19-da həyat yoldaşı və qızı ilə Mayamidə istirahət edərkən ABŞ polisi tərəfindən həbs edilən R.Zərrab fırıldaqçılıq, "çirkli pulların" yuyulması, İrana qoyulan embarqonu pozmaqda ittiham edilir. Onun təzminatla azadlığa çıxmaq tələbi isə keçən həftə rədd edilib.(Axşam.az)
Təklifinizi, şikayətinizi bizə yazın. Sizi dinlərik. 050 333 88 00