“Biz bütün kitablara və bütün peyğəmbərlərə sayqı ilə yanaşırıq” - ÖZƏL

"Avropada xristian partiyası üzvləri Quranı yandırıblar. Siz heç  müsəlmanın Tövratı, İncili, Zəburu nümayişkaranə formada yandırdığını görmüsünüzmü? Xeyr, görməzsiiz. Çünki biz bütün kitablara və bütün peyğəmbərlərə sayqı ilə yanaşırıq". Bunu "Olaylar"a deyən hüquqşünas Valid Səfərovun sözlərinə görə, əxlaq, təfəkkür və dini düşüncə fərqimiz  bu qədərdir: "Biz zənci  Löğman peyğəməri belə  öz peyğəmbərimizdən ayırmırıq. Quranda Musa  peyğəmbərin adı 136 dəfə, İsa peyğəmbərin adı - 23 dəfə İsa, 11 dəfə Məsih, 2 dəfə İbn Məryəm olmaqla 36  dəfə çəkilir. Məhəmməd (s.s.) peyğəmbərin  adı isə cəmi 5 dəfə keçir. "Əl Əla" surəsində deyilir ki "Bu deyilənlər əvvəlki kitablarda yazılanlardır. İbrahimin və Musanın kitablarında". İndi məntiqlə  Quranın yandırılması daha çox kimə pis təsir etməlidir?"