Fərhad Abdullayevin rəhbərliyi ilə BDU-da “Beynəlxalq hüquq” ixtisaslaşması üzrə magistr dissertasiyalarının müdafiəsi keçirilib

Fərhad Abdullayevin rəhbərliyi ilə BDU-da “Beynəlxalq hüquq” ixtisaslaşması üzrə magistr dissertasiyalarının müdafiəsi keçirilib

Bakı Dövlət Universitetinin Hüquq fakültəsində "Beynəlxalq hüquq" ixtisaslaşması üzrə magistr dissertasiyalarının müdafiəsi keçirilib. Təhsil ocağından "OLAYLAR"-a bildirilib ki,  Azərbaycan və rus bölmələrində təhsil alan magistrantlar informasiya hüququnun aktual mövzuları üzrə elmi tədqiqatlarını "Beynəlxalq ümumi hüquq" kafedrasında yerinə yetiriblər.

Azərbaycan Respublikasının Konstitusiya Məhkəməsinin sədri, İxtisaslaşdırılmış magistr dissertasiya müdafiəsi şurasının sədri, professor Fərhad Abdullayev müdafiəyə təqdim edilmiş işlərin aktuallığından danışıb, magistrantların elm və peşə hazırlığını yüksək qiymətləndirib, gələcək fəaliyyətlərində uğurlar arzu edib.

Hüquq fakültəsinin dekanı, professor Əmir Əliyev professor Fərhad Abdullayevin təklif və tövsiyələrini yüksək qiymətləndirib, magistrlara göstərdiyi diqqətə görə təşəkkürünü bildirib.

Qeyd edək ki, müdafiədə iştirak edən 7 magistrantın hər biri "əla" qiymət alıb.