Türkiyədə zəlzələ nəticəsində ölənlərin sayı 1 651-ə çatdı

Türkiyədə zəlzələ nəticəsində ölənlərin sayı 1651-ə, yaralananların sayı isə 11 119-a yüksəlib.

Olaylar.az trend-ə istinadən xəbər verir ki, bu barədə Türkiyə səhiyyə naziri Fahrettin Koca deyib.

"7,7 bal gücündə baş verən zəlzələdə ölənlərin sayı 1651 nəfər yüksəlib, 11 119 nəfər yaralanıb, 3 471 bina dağılıb", - deyə nazir bildirib.

Xatırladaq ki, bu gün Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.