Abşeronun 2 qəsəbəsinə içməli suyun verilməsində fasilə yaranıb

Abşeron rayonunun Digah və Mehdiabad qəsəbələrinin bir hissəsinə içməli suyun verilməsində məhdudiyyətlər yaranıb. 

"OLAYLAR"-a  "Azərsu" ASC-dən bildirilib ki, buna səbəb magistral su kəmərində baş vermiş qəza ilə əlaqədar təmir işlərinin aparılmasıdır. Hazırda qəzanın aradan qaldırılması istiqamətində tədbirlər görülür. 

Narahatlıqla əlaqədar "Azərsu" ASC abonentlərdən üzr istəyir.