Vəkillər arasında olan hansısa problemin ictimailəşməsi düzgün deyil - Anar Bağırov

Vəkillər arasında olan problemlər ictimai müzakirəyə çıxarılmalı deyil.
Olaylar- ın məlumatına görə, bunu Vəkillər Kollegiyasının İdarə Heyətinin sədri Anar Bağırov "CCBE"ə üzvlüyə qəbulla bağlı mətbuat konfransı  zamanı deyib.

O bildirib ki, problem varsa, bunu vəkillər öz aralarında həll etməlidirlər: "Vəkillər bəzən biribirinin fəaliyyətini ictimai şəkildə müzakirəyə çıxarır. İctimai müzakirəyə çıxarmasınlar. İctimailəşdirəndə vəkil hörmətdən düşür. Hər kəsin şərəf və ləyaqəti var. Vəkillərin nüfuzu vəkillərdən asılıdır. Biz öz nüfuzumuzu qorumasaq, heç kim bizə dəstək verməyəcək".