"Xanımımdan çay istəyəndə on dəfə "qurban olum" deyirəm"

"Yoldaşımdan çay istəyəndə on dəfə deyirəm "sənə qurban olum". Bu mənim dilimdədir. Anam mənə öyrədib ki, kişi xoş danışar".

Axşam.az xəbər verir ki, bu sözləri Əməkdar artist Yusif Mustafayev "Xəbər-ətər" proqramında deyib. Müğənni xanımı ilə münasibətindən danışıb. Y.Mustafayev bildirib ki, həmişə insanlarla danışanda "qadan alım, azarın ürəyimə" kəlmələrindən istifadə edir:

"Acı söz desəm, tez inanılacaq? Gərək hər zaman xoş danışasan. "Qadan alım" deməklə, kiminsə qadasın almırsan. Əksinə işini xoş keçirirsən.

Nə var idi keçmişdə var idi. Keçmişi unutsaq, gərək yaşamayaq, cavanlara həyatı verib gedək. Ruhum cavandır. Amma keçmişimi unutmuram".