Ağlama,balaca uşaq....

Aytən  Hüseynova

Ay qonşumdakı balaca uşaq, sən niyə ağlayırsan? Bütün günü,səhər-axşam,axşam-səhər ağlayırsan. "anam"- deyib,"topum"-,"qolum"-,deyib cox vaxt da elə hey səbəbsiz ağlayırsan.

Sən Allah,başına dönüm ,ağlama,heyfdir göz bulaqların,boş yerə axıtma yaşını..

Bilirsən,olmayan evim-eşiyim sənə qurban,

Bir gün gələcək böyüyəcəksən, onda o qədər səbəbli gizlin-gizlin,səssiz-səssiz ağlayacaqsan..

Cibində pulun olmayanda, döyməyə qapın olmayanda, ətəyindən tutduğun bu ananı tapmayanda,sənə sərt baxan o atanı tapmayanda, başını gizlətməyə bir evin olmayanda ömrüm-günüm,onda cox ağlayacaqsan.Ən yaxın bildiyin kürəyinə ilk zərbəni vuranda, üzünə gülən sənə quyu qazanda, "beş adamın "biri olmayanda, haqlı ikən haqsız sayılanda ağlayacaqsan..

İndi boşuna axıtdığın o yaşlar düz ürəyinə axacaq, dolmuş gözlərini əzilməmək üçün gizlətməyə yer axtaracaqsan, ürəyinə axan yaşlara təsəlli üçün sığınmağa bir kəs axtaranda amma o güvəndiyin kəsləri başqasının yanında görəndə ağlayacaqsan..

Səni ağladanın elə sənin özün bildiyin o kəsin olmağına daha cox ağlayacaqsan...

Ağlama,balaca uşaq,aglama,heyfdir o göz bulaqların ağlama...