Peyvənd vurdurduqdan sonra vəfat edənlərin ailələrinə 168 min dollar VERİLƏCƏK

Sinqapurda koronavirus peyvəndi səbəbindən dünyasını dəyişənlərin ailələrinə 168 min dollar təzminat ödəniləcək.

Olaylar.az xəbər verir ki, Covid 19-a qarşı sərt tədbirləri ilə diqqət çəkən və epidemiyanın başlanğıcından bəri cəmi 59 nəfərin öldüyü Sinqapurda yeni qərar qəbul edilib.

Belə ki, vaksinasiyadan sonra reanimasiyaya yerləşdirilən xəstələrə birdəfəlik 7 517 dollar, həyatını itirənlərə isə 168 min dollar maddi yardım ediləcək.

Qeyd edək ki, ölkədə, indiyədək 113 mindən çox insana "Pfizer" və "BioNTech" peyvəndinin birinci dozası vurulub. 50 nəfərə isə artıq ikinci doza da vurulub. Peyvənd olunanlardan yalnız 3 nəfərdə allergiya əlamətləri və nəfəs darlığı müşahidə edilib. (sfera)