Britaniya şirkəti Ordubadda qiymətli metallar axtaracaq

Azərbaycanda qiymətli metalların hasilatı ilə məşğul olan Böyük Britaniyanın "Anglo-Asian Mining" şirkəti Ordubad müqavilə ərazisində geoloji kəşfiyyat işləri üçün bu il 1,84 mln. dollar vəsait sərf etməyi planlaşdırır. 

Olaylar.az xəbər verir ki, bu barədə "Anglo-Asian Mining" şirkəti məlumat yayıb.

Məlumata görə, əlverişli geoloji quruluş Ordubad ərazisində çoxlu porfir mineralları olacağını göstərir.

Ərazidə 2018-ci ilin geoloji iş proqramı 5 504 səth nümunəsini əhatə edib və analizin nəticələrinin 2019-cu ilin II rübündə əldə olunması gözlənilir.

Qeyd edək ki, Ordubad müqavilə sahəsi 462 kvadrat kilometr ərazini əhatə edir.