Yakutiyada tapılan mamont qalığı hamını təəccübləndirdi

Paleontoloqlar Yakutiyanın Novosibirks adaları arxipelaqında yerləşən Kotelnı adasında demək olar ki, çürüməmiş, yaşlı amma kiçik ölçülü mamont qalığı tapıblar.

Olaylar.az Sfera.az-a istinaden xəbər verir ki, bu barədə Saxa respublikasının alimi Albert Protopov məlumat verib.

"Biz yaşlı mamontun kiçik ölçüdə olmasının anomaliya, yaxud adi təbiət hadisəsi olmasını aydınlaşdıracağıq. Bu regionda kiçik mamontların aşkarlanması ilə bağlı ilk tapıntı deyil" - ekspert belə deyib.

Protopov deyir ki, bu ilk haldır ki, nəsli kəsilmiş qədim heyvanın leşi tam halda aşkar edilir. Ekspedisiya üzvləri mamontun qalığını gələn il çıxaracaqlar. Belə ki, o, əlçatmaz yerdədir. Mamontun qalığı su qabarma-çəkilmələrinin olduğu yerdədir və onu acaq çəkilmə zamanı görmək olar.

Kotelnı adasında mamont qalıqlarını tez-tez tapırlar, çünki buzlaqlar ölü heyvanların bədənini yaxşı halda saxlayır.

Təklifinizi, şikayətinizi bizə yazın. Sizi dinlərik. 055 634 88 31