Azərbaycanın peyki Fransa Qvianasında kosmodroma çatdırılıb

Azərbaycanın "Azerspace-2/Intelsat 38" geostasionar peyki Fransa Qvianasında Kuru kosmodromuna çatdırılıb.

Bu barədə "Arianespace" şirkətinin rəhbəri Stefan İsrael öz "Twitter" səhifəsində yazıb.

"Azerspace-2/Intelsat 38" peyki sentyabr ayının 5-də "Ariane 5 ECA" raket-daşıyıcısı ilə buraxılacaq.

Həmin raket-daşıyıcı Azərbaycanın peyki ilə yanaşı "Horizons 3e" peykini də aparacaq.

"Azerspace-2/Intelsat 38" 45 dərəcə şərq uzunluğunda geostasionar orbitə çıxarılacaq. Onun xidmət zonasına Avropa, Mərkəzi və Cənubi Asiya, Yaxın Şərq və Afrika ölkələri daxil olacaq.

Trend

Təklifinizi, şikayətinizi bizə yazın. Sizi dinlərik. 055 634 88 31