Fabrikin 63 yaşlı sürücüsünü maşınla sürüdülər - Giləzidə

Xızıda fabrik sürücüsünü döyərək, öz maşını ilə 200 metr sürüyüblər. Məlumata görə, hadisə "Giləzi Quşçuluq fabriki"ndə baş verib.

Həmin fabrikdə sürücü kimi çalışan 1955-ci il təvəllüdlü Mail Məhərrəm oğlu Əliyev bir neçə şəxs tərəfindən döyülüb. Məlumata görə, M.Əliyev fabrikdə çalışan şəxslərlə mübahisə edib.

Mübahisə sonradan əlbəyaxa davaya çevrilib. Həmin şəxslər sürücünü döydükdən sonra onu öz avtomobilinə bağlayaraq, təxminən 200 metr sürüyüblər.

63 yaşlı kişi ağır vəziyyətdə Sumqayıt şəhər TTYX-a çatdırılıb. Hazırda onun vəziyyətinin orta ağır olduğu bildirilir.

Faktla bağlı araşdırma aparılır. Axar.az