“BakuBus” avtobusların gecikmələrlə hərəkətinə aydınlıq gətirdi

“Gün ərzində, xüsusən səhər və axşam pik saatlarında "BakuBus" avtobuslarının intervallarında baş verən ləngimələrlə bağlı şirkətin "Qaynar xətt"inə sərnişinlərimiz tərəfindən haqlı olaraq müxtəlif müraciətlər daxil olur. Şikayətlər araşdırılarkən demək olar ki, hər bir halda avtobusun hərəkət trayektoriyasındakı mövcud vəziyyətin intervallarda ləngimələrə və avtobusların dəqiqələrcə qapıları bağlı halda yolun ortasında dayanmasına səbəb olduğu aşkar edilir”.

"Gün ərzində, xüsusən səhər və axşam pik saatlarında "BakuBus" avtobuslarının intervallarında baş verən ləngimələrlə bağlı şirkətin "Qaynar xətt"inə sərnişinlərimiz tərəfindən haqlı olaraq müxtəlif müraciətlər daxil olur. Şikayətlər araşdırılarkən demək olar ki, hər bir halda avtobusun hərəkət trayektoriyasındakı mövcud vəziyyətin intervallarda ləngimələrə və avtobusların dəqiqələrcə qapıları bağlı halda yolun ortasında dayanmasına səbəb olduğu aşkar edilir". "OLAYLAR"-ın xəbərinə görə, bu fikirləri "BakuBus" MMC-nin mətbuat xidmətinin rəhbəri Mansur Piriyev səsləndirib. O, qeyd edib ki, xüsusilə dayanacaqlarda, metro stansiyalarının girişi və çıxışında taksi sürücülərinin yaratdığı maneələr arzuolunmaz vəziyyət yaradır: "Yolun hərəkət istiqamətində kortəbi şəkildə avtomobillərini park edən taksi sürücüləri BakuBus avtobusunun hərəkətini, dayanacaqdan çıxmasını konkret olaraq dayandırır. Hər gün onlarca və yüzlərcə dəfə baş verən bu kimi hallar təbbi ki, avtobuslarımızın əvvəlcədən təyin olunmuş qrafik üzrə hərəkətinə maneə yaradır və intervallarda ləngimələrə, bəzən də günün müxtəlif saatlarında sərnişin sıxlığının yaranmasına səbəb olur. İstənilən halda bütün yol hərəkəti iştirakçıları nəzərə almalıdır ki, avtobus yerüstü nəqliyyat vasitəsidir və hərəkəti məhdudlaşdıran bütün hallar avtobusların intervalına təsir göstərir".