“ATV Qalereya” da “Qədim Bakı”
“Azad Azərbaycan” Müstəqil teleradio şirkətinin rəsm qalereyasında əməkdar rəssam Əşrəf Heybətin fərdi sərgisi açılıb. Almaniyada yaşayan həmyerlimizin çoxşaxəli yaradıcılığı sənətsevərlərə yaxşı tanışdır. Onun əsərləri dünyanın bir çox ölkəsində nümayiş olunub. Sərgiyə Milli Məclisin üzvləri, görkəmli elm, mədəniyyət xadimləri, xarici ölkə səfirliklərinin nümayəndələri, mətbuat işçiləri iştirak ediblər. Mərasimi giriş gözü ilə açan ATV Bədii Şurasının sədri Etibar Babyev yeni ekspozisiyada rəssamın “Qədim Bakı” mövzusunda işlədiyi əsərlərinin öz əksini tapdığını söylədi. Əşrəf Heybət İçərişəhərdə doğulub boya-başa çatdığını deyən tanınmış jurnalist bir vaxtlar qala divarları axrasına sığınan bu şəhərin köhnə mənzərəsi, tarixi-memarlıq abidələri, dar döngə, dalan və küçələrinin, eləcə də xoş siması, şirin ləhcəsi ilə fərqlənən köklü sakinlərinin ruhən rəssama daha doğma, qəlbən daha yaxınlığının sərgidəki lövhələrdə aydın ifadə olunduğuna da toxundu.
"Azad Azərbaycan" Müstəqil teleradio şirkətinin rəsm qalereyasında əməkdar rəssam Əşrəf Heybətin fərdi sərgisi açılıb. Almaniyada yaşayan həmyerlimizin çoxşaxəli yaradıcılığı sənətsevərlərə yaxşı tanışdır. Onun əsərləri dünyanın bir çox ölkəsində nümayiş olunub. Sərgiyə Milli Məclisin üzvləri, görkəmli elm, mədəniyyət xadimləri, xarici ölkə səfirliklərinin nümayəndələri, mətbuat işçiləri iştirak ediblər. Mərasimi giriş gözü ilə açan ATV Bədii Şurasının sədri Etibar Babyev yeni ekspozisiyada rəssamın "Qədim Bakı" mövzusunda işlədiyi əsərlərinin öz əksini tapdığını söylədi. Əşrəf Heybət İçərişəhərdə doğulub boya-başa çatdığını deyən tanınmış jurnalist bir vaxtlar qala divarları axrasına sığınan bu şəhərin köhnə mənzərəsi, tarixi-memarlıq abidələri, dar döngə, dalan və küçələrinin, eləcə də xoş siması, şirin ləhcəsi ilə fərqlənən köklü sakinlərinin ruhən rəssama daha doğma, qəlbən daha yaxınlığının sərgidəki lövhələrdə aydın ifadə olunduğuna da toxundu.
ATV-nin prezidenti Azər Xəlilov rəssam Əşrəf Heybəti fərdi sərgisinin açılışı münasibəti ilə təbrik etdi, ona yeni yaradıcılıq uğurları arzuldı. ATV-nin gələcəkdə də Azərbaycan mədəniyyətinin, incəsənətinin təbliğinə, gənc nəslin estetik tərbiyəsinə xidmət edən yeni layihələrə xüsusi diqqətlə yanaşacağını vurğuladı. Millət vəkili, akademik Rəfael Hüseynov çıxışında Əşrəf Heybətin yaradıcılığına uzun illərdən bəri yaxından bələd olduğunu dedi. Onun həm kamil insan, səmimi dost, həm də ustad rəssam kimi əsas məziyyətlərindən danışdı.
Azərbaycan Rəssamlar İttifaqının katibi, xalq rəssamı Ağəli İbrahimov "ATV Qalereya" layihəsinin gənclərin estetik tərbiyəsində, maariflənməsində və rəssamlığın təbliğində müstəsna əhəmiyyətini ayrıca qeyd edib, ATV-nin rəhbərliyinə Rəssamların İttifaqı adından xüsusi təşəkkürünü çatdırdı. Sərginin açılış mərasimində çıxış edən Hindistanın Azərbaycandakı fövqəladə və səlahiyyətli səfiri Sanjay Rana Əşrəf Heybətin yaradıcılığı ilə yaxından tanış olduğunu , onun sənətini yüksək qiymətləndirdiyini söylədi. ATV şirkətinin təşəbbüsünün isə təqdirəlayiq hal olduğunu bildirdi.
Əməkdar rəssamın 40-a yaxın əsəri nümayiş olunan "Qədim Bakı" sərgisi "ATV Oalereya" da tanış ola bilərsiz. Ünvan, Şərifzadə küçəsi, 10.
