ANAMA-nın İdarə Heyəti və struktur bölmələrinin rəhbərləri Şəhidlər xiyabanını ziyarət edib

20 Yanvar faciəsinin 36-cı ildönümü ilə əlaqədar Azərbaycan Respublikası Minatəmizləmə Agentliyinin (ANAMA) İdarə Heyəti və struktur bölmələrinin rəhbərləri Şəhidlər xiyabanını ziyarət edib.

ANAMA-dan AZƏRTAC-a bildirilib ki, onlar ölkəmizin suverenliyi, müstəqilliyi və ərazi bütövlüyü uğrunda mübarizədə şəhid olmuş Azərbaycanın qəhrəman övladlarının əziz xatirəsini dərin ehtiramla yad edərək məzarları üzərinə güllər düzüblər.