Tramp-Əliyev-Paşinyan görüşünün yeni DETALLARI
Avqustun 8-də ABŞ Prezidenti Donald Tramp, Azərbaycan Prezidenti İlham Əliyev və Ermənistanın Baş naziri Nikol Paşinyan arasında keçirilməsi gözlənilən görüşün bəzi detalları məlum olub.
Olaylar.az xəbər verir ki, ABŞ mətbuatının məlumatına görə, Tramp əvvəlcə liderlərlə təkbətək görüşəcək.
İlk olaraq, Bakı vaxtı ilə saat 22:30-da Nikol Paşinyanla bir araya gələcək. Azərbaycan Prezidenti ilə görüşü saat 23:20-də başlayacaq. Müzakirə 40 dəqiqə davam edəcək. Yekun olaraq isə iki liderlə birlikdə mətbuata bəyanatla çıxış edəcəklər.
Qeyd edək ki, Nikol Paşinyan artıq ABŞ-a yola düşüb. Gün ərzində Prezident İlham Əliyevin də səfərə başlaması gözlənilir. (Globalinfo)
Təklifinizi, şikayətinizi bizə yazın. Sizi dinlərik. 055 634 88 31