Fransanın bu serialı beynəlxalq əxlaq və təhlükəsizlik standartlarına təhdiddir- ÖZƏL

Fransa PKK/YPG terror təşkilatını təbliğ edən "Le Bureau des Legends" adlı serial çəkir. Bu hadisə, beynəlxalq ictimaiyyətin terrorizmlə mübarizədəki standartlarına ciddi suallar doğurur. 

Fransa, özünü demokratik dəyərlərin və insan hüquqlarının müdafiəçisi olaraq tanıdır. Lakin belə bir serialın çəkilməsi, terror təşkilatlarının dünya miqyasında legitimlik qazandırılması kimi təhlükəli bir təsirə səbəb ola bilər. PKK/YPG, təkcə Türkiyədə deyil, beynəlxalq səviyyədə də terror təşkilatı kimi tanınır. Bu təşkilatların təbliğatı, həm bölgədəki təhlükəsizliyi təhdid edir, həm də terrorizmin qanunsuzluğunu gözdən salır. 

Azərbaycanlılar olaraq, biz də beynəlxalq müstəvidə terrorizmin qarşısının alınması, insan hüquqlarının qorunması və beynəlxalq təhlükəsizliyin təmin edilməsi yönündə daha ciddi addımlar atılmasını tələb edirik. Fransanın belə bir serialla terror təşkilatlarına rəğbət bəsləməsi, beynəlxalq hüquq və etik prinsiplərə ziddir. 

Həmçinin, bu vəziyyətin ciddi şəkildə araşdırılması və Fransanın terrorizmin mübarizə standartlarına uyğun davranması zəruridir. Terrorizmlə mübarizədə beynəlxalq birlik daha yekdil və təsirli olmalıdır. Bu, yalnızca bölgə təhlükəsizliyi üçün deyil, bütün beynəlxalq ictimaiyyətin maraqları üçün həyati əhəmiyyət kəsb edir.

Qeyd edək ki, Türkiyəli aktrisa Melisa Sözen serialda terrorçulardan birini canlandırıb. Bu, Türkiyədə böyük etiraza səbəb olub, Melisa Sözenin addımı sərt tənqid edilib.

Qiymət Mahir