Paşinyanın separatçıların yeni "lideri"ni təbrik etməsi toqquşma ehtimalını artıracaq - ÖZƏL

"Ermənistan müxalifəti baş nazir Nikol Paşinyana qarşı yeni təzyiq aləti tapıb". "OLAYLAR" xəbər verir ki, belə bir açıqlama ilə çıxış edən politoloq Elxan Şahinoğlunun sözlərinə görə, müxalifət Paşinyanı separatçıların yeni "liderini" təbrik etməməkdə günahlandırıb: "Müxalifət sualı belə qoyub: "Ermənistanın baş naziri Dağlıq Qarabağın yeni prezidenti seçilən Samvel Şahramyanı niyə təbrik etməyib?". Nikol Paşinyan hələ ağlını tam itirməyibsə, Samvel Şahramyanı separatçıların "lideri" seçilməsi münasibətilə təbrik etməməlidir, bu onun sözdə də olsa "Qarabağ daxil Azərbaycanın ərazi bütövlüyünü tanımağa hazırıq" açıqlamasına uyğun olar".

Politoloqun sözlərinə görə, Nikol Paşinyan təcili Azərbaycan prezidenti İlham Əliyevlə görüşmək və həmin görüşdə nəsə nəticə əldə etmək istəyirsə, "təbrikdən" imtina etməlidir:

"Yox əgər Nikol Paşinyan daxildəki və xaricdəki radikalların təzyiqi altında Samvel Şahramyanı separatçıların "lideri" seçilməsi münasibətilə təbrik edərsə, gərək Azərbaycanla münasibətlərin normallaşmasına ümid etməsin. Bu "təbrik" onun çox qorxduğu toqquşma ehtimalını da artıracaq".