DÜŞMƏN DƏYİRMANIN SULAMA, POLAD!- Şöhlət Əfşar

"Azərbaycanın Rusiya Federasiyasındakı səfirinin Azərbaycanın Dağlıq Qarabağ bölgəsinin statusu ilə bağlı verdiyi şərh yersizdir və qəbulediməzdir. Azərbaycanın xaricdəki diplomatik nümayəndəliklərinin rəhbərləri və digər rəsmi şəxsləri ölkənin rəsmi mövqeyinə və Prezident İlham Əliyevin yürütdüyü siyasətə zidd olan özbaşına açıqlamalar verməməlidirlər!"
                               

HİKMƏT HACIYEV
   

Azərbaycan Respublikası Prezidentinin köməkçisi, Prezident Administrasiyasının Xarici Siyasət məsələləri şöbəsinin müdiri.

"...Azərbaycandan...zəng gələndə bədənimə titrətmə düşür. Ya kimsə.....,
hələ 40 ildir mən Moskvada yaşayıram oradan buraya bir dənə də yaxşı xəbər gəlməyib... Mənim  o vaxt 3 gün toyum olmuşdu, 997 nəfər toyumda iştirak etmişdi. İndi mən 3-cü dəfədir ki, evlənmişəm məni hələ də toya çağırırlar... Biz Azərbaycanlıya rahatlıq yoxdur. Gecəmizi, günüzümüzü gözümüzü yumuruq "pul" deyə-deyə, gözümüzü də "pul" deyə-deyə səhər açırıq! Pul,pul,pul,pul.....
  ...Azərbaycanlılar öləndə can verə bilmir, ölənin ağzına pulu büküb basandan sonra canını tapşırır.
Bax, azərbaycanlı milləti belə bir millətdir..."

Polad Murtuza oğlu Məmmədov
   

Azərbaycanın RF-dakı səfiri.

Bu necə həvəsdir, bu necə çaba,
Hayıf, daşıdığın o məğrur ada...
Naxələf, tüpürüb yediyin qaba,
Özgə sinisini yalama, Polad!

Nəbadə,  Bülbülün  "oğluyam"  demə,
Qulluq eləyirsən, söylə, sən kimə?
İt  kimi  ağzına  gələni  yemə,
Qudurub  yiyəni  dalama,  Polad!

Başın  oynayıbdı, sərsəmləyibsən,
Qanın  xıltlaşıbdı, vərəmləyibsən.
Səy-səy,  yerli-yersiz çərənləyib, sən,
Düşmən  dəyirmanın  sulama,  Polad!

Kirlətmə,  şərəfli  Türkün  soyunu,
Oynadın  millətə  çirkin oyunu.
Unudub  Vətəni,  öz  quyruğunu,
Erməni  önündə  bulama,  Polad!

Nədən,  qapımıza  sən daş atırsan?
Niyə,  aşımıza suyu  qatırsan?
Namusu,  qeyrəti  kimə  satırsan?
Hər gün bayquş kimi  ulama,  Polad!

Gahgir  yabı  kimi  yiyəni  yıxıb,
Təlxəktək  gah  sağa,  gah  sola  axıb,
Meymuntək  dəridən,  qabıqdan  çıxıb...
Yadların  ocağın  qalama,  Polad!

Ged,  oxu  "Şeyk"ini, öz  keyfini  çək,
Utan  əməlindən,  fitnədən  əl  çək!
Qotur,  içi  yara, xəstə  danatək,
Vətən  çəmənzarın  bulama,  Polad!