Rəşad Məcid: "Prezidentin bu çıxışı ATƏT-in Minsk qrupunun fəaliyyətinə  xitam verilməsi  deməkdir"

"Cənab prezident əvvəllər də həm müsahibələrində , həm də çıxışlarında ATƏT-in Minsk qrupuna sərt mövqelərini sərgiləmişdi. Bu dəfəki görüşdə isə 28 il ürəyində  qalan sözləri dedi"

Bu sözləri "525-ci  qəzet"in baş redaktoru Rəşad Məcid "Olaylar.az"a açıqlamasında deyib.

- Cənab prezident əvvəllər də həm müsahibələrində , həm də çıxışlarında ATƏT-in Minsk Qrupuna sərt mövqelərini sərgiləmişdi. Bu dəfəki görüşdə isə 28 il ürəyində  qalan sözləri dedi. Gördük ki, xüsusilə də Fransadan olan həmsədr bədbin və köməksiz vəziyyətdə  qalmışdı. Əslində,  indiyədək siyasi proseslərdə deyilməyən bir çox fikirləri həmsədrlərin üzünə deməklə Azərbaycan Prezidenti bu gün dövrün ən böyük və qətiyyətli  adamlardan biri olduğunu göstərdi.

Rəşad Məcidin sözlərinə görə İlham Əliyev bu illər ərzində məsələnin sülh yolu ilə həllinə  inanıb, eyni zamanda   hərb yolunun olduğunu da həmişə deyib.

"Həmsədrlər isə  birtərəflilik göstəriblər. Prezident də  çıxışında da bildiridi ki,  həmsədrlər bu məsələnin həllini istəməyiblər. İstəsəydilər münaqişə həllini tapardı".

Rəşad Məcid "Elə bilirəm ki, Prezidentin bu çıxışı ATƏT-in Minsk Qrupunun fəaliyyətinə  xitam verilməsi  deməkdir. Prezident Putindən də sitat gətirərək "Dağlıq Qarabağ münaqişəsi artıq yoxdur" fikirlərini bir daha səsləndirdi. Belə çıxır ki, bu görüş Minsk Qrupunun fəaliyyətinin sonuncu nöqtələri idi" - deyə qeyd edib.

Gülər Seymurqızı

Olaylar.az