"Niderlandın bu addımları ölkənin Azərbaycanda və Türkiyədə olan iqtisadi ticarət və investisiya maraqlarına çox böyük təhlükə yaradır”
"Niderlandın bu addımları ölkənin Azərbaycanda və Türkiyədə olan iqtisadi ticarət və investisiya maraqlarına çox böyük təhlükə yaradır"
Belə qərarlar Azərbaycan və Türkiyə əməkdaşlığının güclənməsi ilə barəbər erməni lobbisinin dağılması ilə bağlıdır.
Bunu "Olaylar.az"-a politoloq Aydın Quliyev deyib.
Niderland Parlamentinin Azərbaycan və Türkiyə əleyhinə qəbul etdiyi qərarların 44 günlük müharibə dövründə qazandığımız qələbələrdən sonraya təsadüf etməsi heç də səbəbsiz deyil. Müharibədə qazandığımız uğurlara qısqanclıq, Azərbaycan və Türkiyə arasında qardaşlıq münasibətlərinin dünyanın müxtəlif bölgələri və dünya siyasətinin müxtəlif istiqamətləri üzrə dərinləşməsi məğlub vəziyyətdə olan dünya erməni lobbisinin və xristian ifrat dindar radikal dairələrin Azərbaycan və Türkiyəyə qarşı qisasçılıq siyasəti ilə bağlıdır.
Aydın Quliyevin sözlərinə görə, müharibədən sonra Fransa Senatının və nümayəndələr palatasının "Dağlıq Qarabağ" adında qondarma qurumun tanınması ilə bağlı qərarlarından sonra bəzi başqa ölkələr kimi Niderlanda da bu addımlar genişlənib. Bu, Azərbaycan və Türkiyə əməkdaşlığının güclənməsi ilə barəbər erməni lobbisinin dağılması ilə bağlıdır.
Niderland parlamentində qəbul edilən qərarlar Niderlandın dünyanın mütərəqqi inkişaf meyillərinə, insan hüquqlarına, haqq ədalətə münasibətinin göstərici deyil, əksinə, bu Niderlandın tarixində baş verən bir sıra rüsvayçı faktlardan diqqətin yayınması, ölkənin siyasətinin ifrat radikal, dindar, islamofob, anti- Azərbaycan, anti- Türkiyə dairələrinin təsiri altına düşməsi ilə bağlıdır.
Heç şübhə yoxdur ki, Niderlandın xarici siyasətinda iqtisadi, investisiya və ticarət sahəsində mühüm tərəfdaşı olan Azərbaycan kimi bir ölkəyə qarşı belə qərarların qəbul olunması ancaq ifrat radikal və lobbi dairələrinin təsiridir.
Aydın Quliyev bildirib ki, Niderlandın tarixində humanist dairələrə, bəşəri normalara qarşı çoxlu sayda faktlara İndoneziyada Niderlandiyanın törətdiyi soyqırım faktlarını göstərmək kifayət edər.
Belə bir nəticəyə gələ bilərik ki, Niderlandın insan haqqları, demokratiya və digər bəşəri normaların üstündə hər hansı bir meydana, o cümlədən, Azərbaycana meydan oxumağa haqqı yoxdur. Niderlandın belə addımları keçmişində olan rüsvayçı faktların ortaya çıxmasına və ifşa sənədinə çevrilməsinə səbəb olur. Niderlandın bu addımları ölkənin Azərbaycanda və Türkiyədə olan iqtisadi ticarət və investisiya maraqlarına çox böyük təhlükə yaradır.
Gülər Seymurqızı
Olaylar.az