İşğaldan azad olunan rayonlarda DTX-nin idarə və şöbələri yaradıldı - Rəsmi

Azərbaycan Respublikasının Prezidenti İlham Əliyevin "Azərbaycan Respublikasının işğaldan azad olunmuş ərazilərində müvəqqəti xüsusi idarəetmənin təşkili haqqında" 29 oktyabr 2020-ci il tarixli Fərmanına uyğun olaraq, Dövlət Təhlükəsizliyi Xidmətinin Cəbrayıl, Zəngilan, Füzuli, Qubadlı rayonlarında və Xocavənd rayonunun Hadrut qəsəbəsində yerli şöbələri xidmətə başlayıb.

Bu barədə    Dövlət Təhlükəsizliyi Xidmətindən bildirilib.

Şuşa şəhərinin strateji əhəmiyyəti nəzərə alınaraq, Dövlət Təhlükəsizliyi Xidmətinin Şuşa şəhər idarəsi təsis edilib və yaxın günlərdə onun fəaliyyəti təmin olunacaq.