Dövlətin atdığı zəruri müsbət addımlar sosial-iqtisadi tədbirlər çərçivəsində genişləndirilə bilər

"Koronavirusla mübarizə və onun zərərlərinin aradan qaldırılması ilə bağlı Azərbaycan hökumətinin həyata keçirdiyi tədbirləri  ümumən qənaətbəxş hesab etmək olar. Hazırda bu virusa yoluxanların sayının getdikcə azalması, sağalma tempinin artan dinamikada inkişafı, işsiz əhaliyə müəyyən yardımların göstərilməsi və sahikarlara kompensasiyalar özlüyündə müsbət addımlar kimi dəyərləndirilə bilər".

Bu fikirləri Olaylar.az-a "Hüquq və İnkişaf" İctimai Birliyinin rəhbəri Hafiz Həsənov deyib.

O qeyd edib ki, bütün bunlar neft gəlirlərinin kəskin aşağı düşdüyü indiki iqtisadi böhran mərhələsində dövlətin atdığı zəruri müsbət addımlardır: "Ehtimal edirəm ki, bu cür addımlar növbəti sosail-iqtisadi tədbirlər çərçivəsində genişləndirilə də bilər. Bütün bunlar ölkədə karantin rejiminin növbəti mərhələdə nisbətən yumşaq şərtlər altında davam etdirilməsinə imkan yaradır.Onu  da  qeyd  etmək  lazımdır  ki dünyanı bürüyən  koronavirus  böhranı  zamanı  Azərbaycanda aparılan  təqdirəlayiq  işlər  birbaşa  cənab  prezidentin  məsələyə  ciddi  və  operativ  reaksiya  verməsi insanları  və  müvafiq  qurumları  səfərbər etməsi  nəticəsində  bu  gün  bizdə   xəstəlik  artan  xətt  üzrə  inkişaf  etmir."