“Sahibkarlıq fəaliyyəti haqqında” qanun dəyişdirilir
Noyabrın 30-da Milli Məclisin Aqrar siyasət komitəsinin növbəti iclası keçirilib. “Olaylar” xəbər verir ki, komitə sədri Eldar İbrahimov bildirib ki, “Sahibkarlıq fəaliyyəti haqqında” və “Çayçılıq haqqında” qanunlarda dəyişiklik edilməsi barədə məsələlərə baxılacaq. Hər iki məsələni ətraflı şərh edən İqtisadi qanunvericilik şöbəsinin müdir müavini - Aqrar qanunvericilik sektorunun müdiri Vilayət Əlizadə qeyd etdi ki, bu sənədlər Azərbaycan Prezidenti İlham Əliyevin qanunvericilik təşəbbüsü qaydasında komitəyə daxil olub.
Noyabrın 30-da Milli Məclisin Aqrar siyasət komitəsinin növbəti iclası keçirilib. "Olaylar" xəbər verir ki, komitə sədri Eldar İbrahimov bildirib ki, "Sahibkarlıq fəaliyyəti haqqında" və "Çayçılıq haqqında" qanunlarda dəyişiklik edilməsi barədə məsələlərə baxılacaq. Hər iki məsələni ətraflı şərh edən İqtisadi qanunvericilik şöbəsinin müdir müavini - Aqrar qanunvericilik sektorunun müdiri Vilayət Əlizadə qeyd etdi ki, bu sənədlər Azərbaycan Prezidenti İlham Əliyevin qanunvericilik təşəbbüsü qaydasında komitəyə daxil olub. Bildirildi ki, "Azərbaycan Respublikasında sahibkarlığın inkişafına dövlət dəstəyi mexanizminin təkmilləşdirilməsi haqqında" ölkə Prezidentinin 2018-ci il 31 iyul tarixli Fərmanı ilə Sahibkarlığa Kömək Milli Fondu ləğv edilmiş və İqtisadiyyat Nazirliyinin tabeliyində Sahibkarlığın İnkişafı Fondu publik hüquqi şəxs təsis edilmişdir. Həmin fərmanla Sahibkarlığın İnkişafı Fondunun Nizamnaməsi və Fondun vəsaitindən istifadə qaydası təsdiq edilmişdir. Qeyd edilib ki, hər iki qanun layihəsində edilən dəyişikliklər adıçəkilən fərmana uyğun olaraq publik hüquqi şəxs statusunda olan İqtisadiyyat Nazirliyinin tabeliyində Sahibkarlığın İnkişafı Fondunun yaradılması ilə bağlıdır və sənədlərdə "Sahibkarlığa Kömək Milli Fondu" sözləri "müvafiq icra hakimiyyəti orqanının müəyyən etdiyi orqanının" sözləri ilə əvəz edilir. Hər iki sənəd baxılması üçün Milli Məclisin plenar iclasına tövsiyə olunub.