Deputatlarımız İsveçrəyə səfər ediblər

Milli Məclis Sədrinin müavini Valeh Ələsgərov və deputat  Kamran Bayramov Parlamentlərarası İttifaqın 139-cu Baş Assambleyasında  iştirak etmək üçün İsveçrəyə  səfər ediblər. MM-dən "Olaylar"a bildirilib ki,  Cenevrə şəhərində  keçirilən toplantıda "Texnoloji  dəyişiklik  və innovasiya  dövründə  sülh  və inkişafın  təşviqində  parlamentlərin rolu" mövzusunda  müzakirələr  aparılır. Assambleya çərçivəsində qurumun Dayanıqlı inkişaf və ticarət, Demokratiya və insan haqları,  Sülh  və beynəlxalq  təhlükəsizlik,  BMT  məsələləri  üzrə daimi  komitələrinin iclasları və debatlar keçiriləcək.   Burada Milli Məclis Sədrinin müavini Valeh Ələsgərovun Parlamentlərarası Assambleya İttifaqının baş katibi   Martin Çunkonqla  görüşü də nəzərdə  tutulub. Səfər zamanı Gənc Parlamentarilərin Forumu keçiriləcək. Deputatımız  Kamran Bayramov forumda iştirak edəcək. Səfər oktyabrın 17-də başa çatacaq.