"İlhamə uşağını tələf etdi"
İlhamə Quliyeva hamilə idi, özü də gizlətmirdi. Paltarını dartırdı ki, halı görünsün. Hər qadın kimi ərə getmək istəyirdi
"İlhamə Quliyeva hamilə idi, özü də gizlətmirdi. Paltarını dartırdı ki, halı görünsün. Hər qadın kimi ərə getmək istəyirdi. Onu da bacardı, birinci dəfə Faiq adlı oğlana ərə getdi. Çox yaxşı oğlan idi. Ümumiyyətlə övlad olmalı idi. Xəstəxanaya getdi. İki aydan sonra mən də Zümrüdümlə orada idim. Çox şeylər eşitdim. Təəssüf ki, xəstəxanaya cüt gəldi, amma tək çıxdı. Bilərəkdən tələf etdi. Çünki həmin adam söz də verməmişdi".
Axşam.az xəbər verir ki, bu sözləri Xalq artisti Flora Kərimova "Onun sirri" verilişində deyib. Sənətçi mərhum Xalq artisti İlhamə Quliyevanın ünvansız uşaq dünyaya gətirmək istəmədiyini deyib:
"Hər bir qadın kimi İlhamə ana olmaq istədi. Düşünürəm ki, ünvansız uşaq dünyaya gətirmək istəmədi. Bəlkə də, perespektivsiz münasibətə görə edib bunu. Nə qədər acıdil, acıqanlı olsa da, qadındır. O da bir ocaq sahibi olmaq istəyirdi. Ancaq qisməti qismət, xasiyyəti isə xasiyyət deyildi".