Mədəniyyət
Beynəlxalq Muğam Mərkəzində Baku Brass ansamblının konserti keçirildi
Beynəlxalq Muğam Mərkəzində Baku Brass nəfəs alətləri ansamblının konserti keçirildi. Mərkəzdən “Olaylar” – a bildirlib ki, ansamblın tərkibində Əməkdar artist Sirus Məmmədov (truba), əməkdar artist Rövşən Quliyev (truba), əməkdar artist Andrey Sabayev (valtorna),əməkdar artist Əli Hacıyev (tuba), Kamal Tapdıqov(trambon), Ucal Məmmədxam (zərb alətləri) çıxış edirdilər. Konsertdə həmçinin solistlər Vəli Budaqov (klarnet), Leyla Əliyeva (vokal) iştirak edirdilər. Baku Brass ansamblı 2005 ci ildən fəaliyyət göstərir. Ansamblın üzvləri Ü. Hacıbeyli adına Azərbaycan Dövlət Simfonik Orkestrinin solistləri, bir çox beynəlxalq, eləcə də respublika müsabiqələrinin laureatlarıdır.
“Balaca şahzadə” Musiqili Teatrda
Musiqili Teatrda yeni tamaşanın məşqlərinə start verilib. Teatrının Mətbuat katibi Samir Sədaqətoğlu “Olaylar” – a bildirib ki, teatrda Antuan de Sent-Ekzuperinin dünyaca məşhur əsəri olan “Balaca şahzadə” əsərinin musiqili tamaşası hazırlanır.“Balaca şahzadə” bir çox yeniliklərlə zəngin olacaq.
Saraydan yenilik
Heydər Əliyev Sarayı öz təşəbbüsü ilə mədəniyyət müəssisələri və təşkilatları arasında daha bir ilkə imza ataraq Sarayın mobil tətbiqi istifadəyə verilib. Saraydan “Olaylar” – a bildirlib ki, yenilikdə məqsəd IV İslam Həmrəyliyi Oyunları, “Formula-1” Azərbaycan Qran-prisi və Bakı Şoppinq Festivalı kimi mötəbər tədbirlərin keçiriləcəyi müddətdə ölkəmizə gələcək xarici qonaqlara, turistlərə və yerli tamaşaçılarımıza beynəlxalq standartlara uyğun, ən yüksək səviyyəli xidmət göstərməkdir. IOS və Android əməliyyat sistemli mobil cihazların istifadəçiləri Heydər Əliyev Sarayının mobil tətbiqini App Store və Google play mağazalarından yükləyə bilərlər.
“Daşkənd baharı-2017” dördüncü Beynəlxalq Opera və Balet festivalının açılışı olub
Əlişir Nəvai adına Daşkənd Dövlət Opera və Balet Teatrında “Daşkənd baharı-2017” dördüncü Beynəlxalq opera və balet festivalının açılışı olub. Festivalda Azərbaycan, Rusiya, Belarus, Qazaxıstan, Qırğızıstan və Özbəkistanın opera və balet sənətinin tanınmış nümayəndələri, dirijorlar iştirak edirlər.
.jpg)
Azərbaycanlı gənclər Rusiyada ali kino təhsili almağa göndəriləcək
Ümumrusiya Kinematoqrafiya Universiteti (VQİK) ilə danışıqlar nəticəsində bir neçə kino ixtisası üzrə Mədəniyyət və Turizm Nazirliyinin vəsaiti hesabına bakalavr səviyyəsində rus dilində təhsil almaq üçün cari ildə gənclərin oxumağa göndərilməsi planlaşdırılır. Kinostudiyadan “Olaylar” – a bildirlib ki, Kino və televiziya rejissoru ixtisası üzrə 2, kinooperator 2, animasiya və kompüter qrafikası rejissoru ixtisası üzrə isə 1 yer ayrılıb.
Mikayıl Müşfiq Muğam Mərkəzində anılacaq
Aprelin 28 – də Beynəlxalq Muğam Mərkəzində Mikayıl Müşfiqə həsr olunmuş tədbir keçiriləcək. Mərkəzdən “Olaylar” – a bildirilib ki, Muğam Mərkəzinin və Mədəniyyət və İncəsənət Universitetinin birgə layihəsi çərçivəsində həyata keçiriləcək. Tədbir Beynəlxalq Muğam Mərkəzində baş tutacaq.
Azərbaycanlı aktyor “Ən yaxşı kişi ifaçısı” nominasiyası üzrə qalib oldu
Gənc Tamaşaçılar Teatrının bir qrup yaradıcı heyəti Rusiya Federasiyasının İvanov vilayətinin Kineşma şəhərində keçirilən “Hərarətli ürək” (“Горячее сердце”) klassik Rus dramaturgiyası III Beynəlxalq Teatr Festivalında iştirak edib.Teatrdan “Olaylar” – a bildirlib ki, festivalda iştirak edən Azərbaycan və Kalmıkiya Respublikalarının əməkdar Artisti Şövqi Hüseynovun əsas rolu ifa etdiyi N.V.Qoqolun “Dəlinin qeydləri” mono- tamaşası A.N.Ostrovski adına Kineşma Dram Teatrının səhnəsində nümayiş etdirilib.
“Mənim Azərbaycanım” və “Koroğlu”
IV İslam Həmrəyliyi Oyunları günlərində Heydər Əliyev Sarayında Bakı Şoppinq Festivalının açılış mərasimində Dövlət Rəqs Ansamblının iştirakı ilə premyerası keçirilən “Mənim Azərbaycanım” yeni konsert proqramı və “Koroğlu” bir pərdəli milli baleti mayın 20 –də Heydər Əliyev Sarayında nümayiş olunacaq. Saraydan “Olaylar” – a bildirlib ki, konsertin bədii rəhbəri və quruluşçusu Rusiya Federasiyasının Xalq artisti Dikalu Muzakaevdir.
“Don Marleone” Masallıda
“Don Marleone” filminin aktyorları Park Cinema Masallıda imza günü keçirilər. Park Cinemadan “Olaylar” – a bildirlib ki, aktyorlar Rüstəm Cəbrayılov, Natavan Əfəndiyeva, Murad Abdullayev, Əlibəy Məmmədli, Nofəl Şahlaroğlu, Rejissor Elmar Bayramov, kolorist Könül Kəngərli ilk öncə “ASAN Həyat” kompleksi ilə tanış olublar, daha sonra isə pərəstişkarları ilə görüşüb, birlikdə filmi izlədilər.
