“85 yaşlı teatrın 60 yaşlı aktyoru”

Mayın 5-də  Mədəniyyət və Turizm Nazirliyinin dəstəyi, Kukla Teatrının təşkilatçılığı ilə Kukla Teatrında  əməkdar artisti Rəhman Rəhmanovun 60 illik yubileyinə həsr olunmuş "85 yaşlı teatrın 60 yaşlı aktyoru"  adlı  gecə keçiriləcək. Teatrdan "Olaylar" - a bildirlib ki, teatr ictimaiyyətinin, mədəniyyət və incəsənət xadimlərinin, teatrsevərlərin iştirak edəcəyi tədbirdə aktyorun uzunmüddətli yaradıcılıq yoluna nəzər salınacaq. Onun aktyor tərcümeyi-halını  əks etdirən  çarx nümayiş olunacaq.

Rəhman Rəhmanov 2006-cı ildə mono tamaşalar festivalında Əyyub Abbasovun "Şəngülüm, Şüngülüm" tamaşası ilə iştirak edib  və "Qızıl Dərviş" mükafatı laureatı olub. Azərbaycan teatrının inkişafındakı  xidmətlərinə  görə 7 mart  2014-cü ildə  Azərbaycan Respublikasının Əməkdar artisti fəxri adına layiq görülüb, Prezident mükafatçısıdır.