Mədəniyyət
Pərvinin “Səhnə”si təqdim olunacaq
Oktyabrın 9 – da saat 14:00-da Gənc Tamaşaçılar Teatrında istedadlı yazıçı-dramaturq Pərvinin “Səhnə” adlı yeni kitabının təqdimat mərasimi keçiriləcək. Təqdimat mərasimində teatr xadimlərinin, yazıçıların, media nümayəndələrinin iştirakı gözlənilir. “Səhnə” kitabında müəllifin müxtəlif tamaşalara resenziyaları, sənət adamları ilə söhbətləri, teatr konfranslarından təəssürat yazıları, həmçinin pyesləri yer alıb.
Nodar Şaşıqoğlunun 90 illik yubileyi keçirilib
Oktyabrın 6-da Mədəniyyət və Turizm Baş İdarəsinin təşkilatçılığı ilə Yasamal rayon Heydər Əliyev Mərkəzində xalq artisti, teatr və kino aktyoru Nodar Şaşıqoğlunun 90 illik yubileyi ilə əlaqədar tədbir keçirilib. Olaylar bildirir ki, tədbirdə xalq artistləri Məbud Məhərrəmov, Səfa Mirzəhəsənov, Aleksandr Şarovski, əməkdar artist Fuad Osmanov, Baş İdarənin əməkdaşları Pərvanə Muradzadə, Tomris Hacıyeva, Bilik Fondunun məsləhətçisi Ramilə Qurbanlı və digər qonaqlar iştirak ediblər.
“Muğam axşamları” layihəsinin ikinci mərhələsi
Oktyabrın 11 – də Beynəlxalq Muğam Mərkəzində “Muğam axşamları” layihəsinin ikinci mərhələsinin ilk konserti olacaq. Olaylar bildirir ki, konsert “Mahur-hindi” və “Bayatı-kürd” muğamlarına həsr olunacaq. Konsertdə respublikanın tanınmış xanəndələri Xalq Çalğı Alətləri Ansamblının müşayiəti ilə muğamın müxtəlif şöbələrini ifa etməklə yanaşı, bəstəkar mahnıları və təsniflərə də yer verəcəklər.
Azərbaycanlı tələbə “XIX Ümumdünya Festivalı”nda iştirak edəcək
14-22 oktyabr tarixlərdə Gənclər və İdman Nazirliyinin dəstəyi ilə Rusiya Federasiyasının Soçi şəhərində “XIX Ümumdünya Festivalı” keçiriləcək. Olaylar bildirir ki, 150 ölkədən 20000-dən artıq iştirakçının qatıldığı festivalın əsas məqsədi gənclər arası beynəlxalq əlaqələrin və mədəniyyətin möhkəmləndirilməsidir. Elm, təhsil, mədəniyyət, idman, informasiya texnologiyaları və digər yaradıcılığın istənilən sahəsi ilə məşğul olan gənc və tələbələr arasında Mədəniyyət və İncəsənət Universitetinin Kino və teleziya fakültəsinin IV kurs tələbəsi Könül Şahmar da yer alacaq.
Xalq artisti efirdə Məleykə Əsədovaya etdiyi təhqirdən danışdı: Əgər ağzımdan çıxıbsa, deməli...
ARB-də yayımlanan "Səhər-Səhər" verilişinin bugünkü qonaqlarından biri günlərdir xalq artisti Məleykə Əsədova ilə aralarında qalmaqal yaşanan aktyor Ramiz Məlik olub.
Elzadan Tacirə CAVAB: “Həmin insan yaltaq olmaq üzrə dahidir” - QALMAQAL
Əməkdar artist Elza Seyidcahan həmkarı Tacir Şahmalıoğlunun onun haqqında səsləndirdiyi fikirlərə cavab verib. Açıqlama verən ifaçı fikirlərini belə izah edib: “Mənə elə adamlar dahi deyib ki, Tacir bunu başa düşməz. Onunla sadəcə bir neçə verilişlərdə qarşılaşmışıq. O, bəstəkar olsaydı, dahiliyimə qiymət verərdi, amma bəstəkar deyil. Mən dahilər məktəbində dərs almışam. Həmişə demişəm ki, dahinin yaşı olmur. Hamını dahi hesab edirəm. Öz yolunu, istiqamətini düzgün seçən, insanlara insan olaraq dəyər verməyi bacaran hər kəs dahidir. Dahiliyin standart bir çərçivəsi yoxdur. Elə adamlar var, görürsən kiməsə maddi vəziyyətinə görə yaxınlıq edir, onlara gözəl xitablar edir. Halbuki bu, onun içindən gəlmir. Deməli, həmin insan ikiüzlü, yaltaq olmaq üzrə dahidir. Gəlin, biz yaxşı əməllərimizə, sənətimizə görə dahi olaq”.
Cazibədar türk müğənni Zauru heyran qoydu - Boynu qırılsın o sevgilinin. Mən belə qıza...
Dünən Xəzər televiziyasında Zaur Kamalın verilişində qonaq olan türkiyəli cazibədar müğənni Fulinona göstərilən diqqət qarşısında "özünü itirib". Müğənni ilk ifasını etdikdən sonra aparıcı müğənniyə "Fulin, "fulsan". Sizdə də "ful" kəlməsi var. Biz, məsələn, yaxşı maşına "fuldur" deyirik. Amma mən sənə elə öz adını - Fulin deyəcəm" ifadələrini işlədib.
Əli Mirəliyevin gəlini evdən getdi: "Ana uşağın görmək istəmir"
ARB telekanalında yayımlanan "Səhər-Səhər" verilişində ekspert qismində əyləşən müğənni Əli Mirəliyev gözlənilməz açıqlaması ilə hər kəsi təəccübləndirib. Mövzusu yarımçıq bitən ailə həyatlarına həsr edilən verilişdə Əli Mirəliyev heç zaman açıqlamadığı bir etiraf etmək istədiyini bildirib.
"Evlilikdən qabaq bir neçə il bir yerdə yaşayırlar" - Bahar Lətifqızı
ARB telekanalında yayımlanan "Səhər-Səhər" verilişində Rövşanənin qonağı olan müğənni Bahar Lətifqızı maraqlı açıqlamaları ilə yadda qalıb. Həyatı uşaq evində keçən xanım müğənni ikinci dəfə qurduğu ailəsinin dağılmasından ən çox zərbəni övladının aldığını dilə gətirib.
Məşhur rejissorun keçmiş həyat yoldaşı vəfat etdi
“Yeni dalğa” cərəyanının yaradıcılarından biri, müasir kinonun klassiklərindən sayılan Jan Lyuk Qodarın keçmiş həyat yoldaşı Anna Vizemski 70 yaşında vəfat edib. Olaylar bildirir ki, məşhur rejissorun eks həyat yoldaşının ölüm xəbərini qardaşı açıqlayıb. Aktrisa və yazar olaraq tanınan Anna Qodarın “Çinli qız” (1967) və bir neçə filmində rol alıb.
"Blade Runner 2049" filmi Park Cinemada
Oktyabrın 5 - dən etibarən Park Cinema kinoteatrında 1:9:1 nisbətli xüsusi formatda təqdim olunan “Blade Runner” filmi nümayiş olunacaq. Olaylar bildirir ki, “Blade Runner 2049” filmi tamamilə IMAX® formatına çevrilib: görüntü və səs keyfiyyəti müasir IMAX DMR® sayəsində xüsusilə adaptasiya edilib. IMAX zalının dəqiq konturları ilə vəhdət təşkil edən kristal şəffaflığında görüntü və güclü rəqəmsal səs – bütün bunlar izləyicini hadisələrin bir hissəsinə çevirir.
Teatrda premyera - Conatan Sviftin məşhur əsəri nümayiş oluncaq
Oktyabrın 27 –də Gənc Tamaşaçılar Teatrında Conatan Sviftin məşhur “Qulliver Cırtdanlar ölkəsində” əsərinə səhnələşdirilimiş tamaşanın premyerası olacaq. Olaylar bildirir ki, teatrın kollektivi tamaşanı fərqli yozumda təqdim edəcək. Belə ki, tamaşada kukla elementlərindən məharətlə istifadə olunaraq müəllifin başlıca silahı olan satira və gülüş məqamları yaradıcı heyət tərəfindən ustalıqla həll olunub.
