Mədəniyyət
Pərvin Abıyevadan azərbaycanlı kişilərə İRAD: “Bizim sülalədə aktrisa olmaq istəyənlərin...”
"Ailədə, ya da bizim sülalədə "Aktyor və müğənni olmaq istəyirəm" deyənlərin başını kəsirlər! Amma mən uşaqlıqdan bəri inadçıyam. "Ana-ata, bunu edə bilərəmmi?” soruşmuram, "Bunu edəcəyəm hazır olun!" deyirəm. Bütün sülaləmiz də bunu bilir. Bir az kişi kimiyəm. Odur ki, "Mən bu işi edəcəyəm" deyəndə qarışmadılar. Qohumlarıma da "İstəsəniz, silin məni, nə siz məni tanıyın, nə də mən sizi" dedim. Məsələn, bizim ailədə biri boşanıb yenidən evlənərsə, ona da "Sənin ərin birincidi, bunu ər hesab etmirik" - deyirlər!"
“Qara dastan-37” təqdim edildi
Azərbaycan İstiqlal Muzeyinin ekspozisiyasında muzeyin, Dövlət Təhlükəsizliyi Xidməti (DTX) arxivinin və Dövlət Sərhəd Xidmətinin birgə təşkilatçılığı ilə siyasi repressiyanın 80 illiyinə həsr olunmuş “Qara dastan-37” adlı tədbir-sərgi keçirilib. Muzeydə təşkil edilən sərgidə yeni eksponatlar - müvəqqəti saxlama yerlərinin qapısı, DTX arxivinin sənədləri, muzeyin fondunda saxlanılan müxtəlif əşyalar nümayiş olunub. Muzeyin direktoru Fəridə Şəmsi 1920-ci ildən başlayaraq 30 ilədək davam edən siyasi repressiyaları Azərbaycan tarixində baş vermiş ən böyük faciələrdən biri adlandırıb.
.jpg)
"Əli və Nino" filmi - Litvada
Azərbaycan Respublikasının Litva Respublikasındakı Səfirliyinin təşkilatçılığı ilə paytaxt Vilnüs şəhərində “Əli və Nino” filminin təqdimatı keçirilib. Litva Milli Kitabxanasının kino zalında təşkil olunmuş mərasimdə ölkə Parlamentinin üzvləri, xarici işlər nazirliyinin əməkdaşları, səfirlər, diplomatik korpusunun nümayəndələri, incəsənət xadimləri, şəhər ictimaiyyətinin nümayəndələri, jurnalistlər və Litvada təhsil alan tələbələrimiz iştirak ediblər.
.jpg)
Gənc Tamaşaçılarda Yeni il tamaşası
Gənc Tamaşaçılar Teatrı öz azyaşlı tamaşaçılarını əyləncəli, surprizlərlə dolu maraqlı yeni il tamaşası ilə qarşılayacaq. Olaylar.az bildirir ki, kollektiv hər il olduğu kimi ,bu il də ənənəsinə sadiq qalaraq yeni - 2018-ci ilin tətil günlərində kiçik yaşlı tamaşaçılara maraqlı istirahət təşkil edəcək. Bu dəfə teatr sevimli uşaqların görüşünə Sten Linin “Hörümçək adam “ tamaşası ilə gələcək. Hər il olduğu kimi şənlik iştirakçılarını Şaxta baba və qar qızdan maraqlı yeni il hədiyyəsi, bol əyləncəli oyunlar da gözləyir.
Üzeyir Hacıbəyli haqqında monoqrafiya
Noyabrın 23-də Üzeyir Hacıbəylinin doğma ocağı olan ev-muzeyində, Mədəniyyətşünaslıq üzrə Elmi-Metodiki Mərkəzin əməkdar mədəniyyət işçisi, sənətşünaslıq üzrə fəlsəfə doktoru, “Qızıl qələm”, Məhsəti Gəncəvi və Gənclər mükafatlarının laureatı Səadət Təhmirazqızının Elmi-Metodiki Mərkəzin dəstəyi ilə çap olunmuş “Üzeyir Hacıbəyli müasirlərin düşüncəsində” kitabının təqdim olunub. Olaylar.az bildirir ki, kitaba Üzeyir bəy haqqında monoqrafiyalar, dissertasiyalar, tədqiqat əsərləri daxil olunub. Xüsusi ilə onun haqqında tələbələrinin, həmkarlarının, onu yaxından tanıyan ziyalıların xatirələri də toplanıb. Müəlliflər arasında Vasim Məmmədəliyev, Oqtay Rəcəbov, Əlibaba Məmmədov, Natiq Əliyev də vardır.
Müşfiq Şahverdiyev evlənir
Aktyor Müşfiq Şahverdiyev evlənir. Aktyorun toyu dekabrın 18-də baş tutacaq. Şəhər restoranlarından birində keçiriləcək toya şou-biznes nümayəndələri də dəvət olunacaq.
Ulduzlar duetlərini təqdim etdilər
Heydər Əliyev Sarayında “Ulduzların duetləri” adlı konsert proqramı təqdim olunub. Olaylar.az bildirir ki, konsert Rəşad İlyasov və İlhamə Quliyevanın virtual duetləri ilə başlayıb. Gecədə Xalq artistləri Fidan Hacıyeva, Heydər Anatollu, Əməkdar artistlər Zakir Əliyev, Almaz Orucova, Lalə Məmmədova, Cavanşir Məmmədov, Firuzə İbadova, Ehtiram Hüseynov, müğənnilər Rəşad İlyasov, Arzu Əliyeva, Fuad Musayev, Pərviz Qasımov, Gülnar Qüdrətli, Aynur İsgəndərli, Nicat Cəfərzadə, Nadir Qafarzadə, Nurlan Növrəsli, Aşıq Samirə, Kənan Qədimov, Günay İmamverdiyeva, Sərxan Bünyadzadə, Ayşən Mehdiyeva, Kamilə Nəbiyeva, Zabitə Alıyeva və başqaları çıxış ediblər. Böyük sənətkarların vaxtilə ifasında səslənmiş, indi isə az müraciət edilən, unudulmuş duetlər də musiqisevərlərə təqdim olunub.
Ceyhun Hacıbəylinin həyatı teatr səhnəsində
Musiqili Teatrında yeni tamaşa hazırlanır. Teatrın Mətbuat xidmətindən Olaylar.az –a verilən məlumata görə yazıçı-dramaturq Əli Əmirlinin “Nuri-didə Ceyhun” əsərinin məşqləri uğurla davam edir. Tamaşanın quruluşçu rejissoru Əməkdar incəsənət xadimi Mehriban Ələkbərzadədir. “Pyesin müəllifi Əli Əmirlinin janrını musiqili yuxu-kollaj kimi təyin etdiyi iki hissəli “Nuri-didə Ceyhun” əsəri Üzeyir Hacıbəylinin qardaşı Ceyhun Hacıbəylinin mühacir həyatından bəhs edir. Pyes Azərbaycanın müstəqil ölkə və dövlət olaraq tanıtımı üçün Paris Konfransına ezam olunmuş vətənpərvərlər dəstəsinin fəaliyyətinə ithaf olunub.”, - deyə M. Ələkbərzadə bildirib.
Azərbaycan və Özbəkistanın elm, mədəniyyət müəssisələri arasında əməkdaşlığa dair çoxtərəfli Memorandum imzalanacaq
Yaxın günlərdə Azərbaycan və Özbəkistanın elm, mədəniyyət müəssisələri arasında çoxtərəfli əməkdaşlığa dair Memorandum imzalanacaq.
Anar Fatiməyə zövqsüz dedi, qalmaqal yarandı
Rəqqasə Fatimə Fətəliyeva stilist Anar Ağakişiyevin onun ünvanına zövqsüz deməsinə əsəbiləşib. Sənətçi etirazını bildirərək bunları söyləyib: "Efirlərdə çıxıb subyektiv fikir söyləmək lazımdır. Yoxsa bu gün münasibətin yaxşı olan insanı tərifləmək lazım deyil. Mən zövqsüz olsam, 8 ildir xınalar təşkil etmərəm. Xalq xınalarını mənə həvalə edir. Gözəllik salonu müdirəsiyəm. İnsanlar mənim adıma, zövqümə güvənib gəlirlər. Sən zövqdən danışa bilməzsən, get başını dara.
“Qal sənə qurban” – Aytən Məhərrəmova və Təyyar Bayramovdan yeni xəbər
Gənc xanəndə, bir neçə beynəlxalq müsabiqələrin qalibi Aytən Məhərrəmova və əməkdar artist Təyyar Bayramovun yaradıcılığında yenilik var. Bu haqda Olaylar.az – a məlumat verən xanəndə Aytən Məhərrəmova bildirib ki, yaxın günlərdə hər iki xanəndənin birgə ifasından ibarət olan yeni diski – “Qal sənə qurban” satışa çıxarılacaq.
Səbinə Ərəbli - “Muğamat var olan yerdə” layihəsində
Beynəlxalq Muğam Mərkəzində “Muğamat var olan yerdə” layihəsi çərçivəsində növbəti konsert proqramı təqdim edilib. Olaylar.az bildirir ki, konsert “Mədəniyyət” kanalı və Beynəlxalq Muğam Mərkəzinin birgə təşkilatçılığı ilə reallaşıb.